Re: 取消穿梭巴士服務

[ManU10]

本人反對取消穿梭巴士，因為shuttle bus 係返工放工既時段係好重要

大老山返工放工永遠塞到傻 根本搭巴士係有排塞 唯有去大學站搭火車 等架289K等好耐 所以我哋架shuttle bus對冇渣車既返工住戶係好重要

所以睇唔到有咩原因要取消 反而可以諗下可唔可以加多另一個站俾返放工既人有選擇，例如恆安/大水坑站

[客戶服務處]

多謝 各位的寶貴意見。

就有關上述事宜，本處將會收集資料與管委會商討。另外，值得一提，屋苑自入伙後，經過多番向運輸署爭取才成功申請到本苑的村巴服務，便利各業戶往返屋苑至東鐵大學站。倘若取消此村巴路線，日後再重新申請本苑村巴服務路線時，相信會十分困難。

如有任何查詢，請致電2608 5000與本處職員譚小姐聯絡。

嘉華星濤灣客戶服務處

[hello]

請盡快展開行動

[hello]

很奇怪, 負債表把shuttle bus expenses 原本開放在other expenditure 給大家看到, 但現在卻隱藏只見一個總數 。 懇情你們出問卷調查時可詳列近3年的shuttle bus 開支和客流量。請詳細列出11/2020的shuttle bus expenes $65,000, 4/2020-11/2020 共 $495,000, 如司機薪金, 燃油费等。謝謝。

[BFF]

其實這屋苑一開始已有這條往返大學站的村巴路線，所有住戶搬入前已知道，有些更是因為有這條村巴路線才考慮搬進來居住的。

既然不喜歡有這條村巴路線的服務，為何一開始不選擇沒有這條路線的屋苑去居住呢？

這條村巴路線給予住戶多一個選擇，如家中有孩子/長者/孕婦，這村巴可進入到屋苑大堂簷蓬門口，不用日曬雨淋，特別是落大雨又要帶孩子來往火車站的日子，真的好彩有這架直入到樓下的村巴，否則單是往來屋苑至巴士站的路程，已可使人全身(包括書包內的書簿)全部濕晒！

這村巴使住戶不用追巴士、同人迫，又不用擔心巴士脫班而遲到，加上村巴準時又乾淨，真的十分之好呀！

[飛]

首先，本人喺屋苑住左6年，平均每年應該搭唔到架村巴5次。

睇返數據2020年全年收左管理費HKD10,383,975，除返開平均每戶大約HKD14XX左右。村巴全年開支HKD560,000，收入HKD99,900(計返大家由管理費用開支HKD460,100 (除返開每戶每個月補貼緊HKD64)。

要考慮既係幾點:
1) 屋苑過去一直有盈餘，未有入不敷支，儲備有約HKD600萬，未有財政壓力需要取消村巴。
2) 就算取消村巴，每戶減少補貼HKD64，數目根本微不足道，亦未見有足夠原因因為減左村巴而要減管理費。(減$64 俾我? 唔好玩啦)
3) 成個馬鞍山區其實有好多屋苑都有向運輸處申請村巴去大學站，但由於站頭已經飽和所以已經冇再新批出。即係話如果取消左村巴，都應該冇乜機會再申請到。
4) 就算係取消，而家疫情期間，大家多個選擇搭乘客較少衛生情況較好既村巴對大家亦都多啲保障。
5) 我地附近既巴士班次近幾年已經不斷地削減(尤其是286M)，所以保留村巴係有需要。

所以我反對取消村巴(雖然我冇乜搭過)。

[飛]

更正數字 財表截3月尾，數字包括9個月，每戶管理費補貼$85.2，每戶平均管理費$1923

[小毛孩]

絕對不讚成取消穿梭巴士服務, 完全不明白為何有此想法, 如其他鄰居所言, 我們有盈餘, 再者, 本人不見得此穿梭巴士之服務會對屋苑帶來任何金錢壓力!

附近交通, 不想多說, 如真的是此區居民, 絕對會深深體會, 巴士脫班, 小巴飛站, 的士稀少, 鐵路不便......

另現所謂之鐵路 - 馬鐵站, 不論恆安或是大水坑站, 最少要步行十多分鐘, 如遇上大雨時, 對於一些年長鄰居, 可想而知此十多分鐘在路程會對他們造成多少不便?

吉車往返是為其一取消誘因, 本人切實不明白, 其實此情況絕對正常, 2020年因武肺而多了鄰居於家中上班, 或因節日假期而沒有太早出門或太早回家而少用此服務便提出取消?

此穿梭巴士服務原意是提供屋苑住戶一個方便及舒適之接送服務, 因此本人絕不讚成取消穿梭巴士服務!! 是絕對不讚成取消穿梭巴士服務!!

Absolutely NOT AGREE to cancel this service!!!!

[hello]

始終都希望出問卷諮詢大家。
2.想知道$65000開支的breakdown

[hello]

請確定何時發問卷