可以增加交通這個項目嗎?

[YuMoBor]

呢樣嘢對唔駕私家車的新住客同家傭好重要.

我想知新港城購物免費巴的時間表和路線圖. 因為少搭, 記唔到三條線個時間表. 爛地出面等巴士都幾辛苦. 我寧願俾三元搭810.
屋苑邨巴個時間表擺上呢個webpage都合理. 咁管理處唔駛印一叠浪費紙張同錢. 另外個時間表可以縮印在十張一叠ke車飛封面. 又可以慳啲紙. 又或者整啲咭片size過咗膠的時間表, 放入銀包都OK.
各位鄰居, 原來新港城有架26號綠巴去大埔中心. 好正斗, 嗰到有大吉之島, 個街市又平. 温布頓賣羽毛波夠平. 不過車費要$12.

[JT]

There is a timetable in Sunshine City. You can take a photo for it, I did it myself.

No more Jusco in Taipo...

[客戶服務處]

[交通]項目在[屋苑]內可找到，內列交通資訊。

[YuMoBor]

我揾到個時間表lar. Thank you.
不過我覺得交通始終係呢個屋苑最弱ke地方. 對區外的買家同新住客最重要. 例如我第一次嚟, 就唔知屋苑後面塊爛地停車場係分左右. 一個月租九百, 另一個月租一千. 近星仔嗰個, 星期一至五時租三元, 六日每小時四元.
買屋苑啲車位, 即使唔駛經銀行, 同阿公買, 都一定要收咗樓先買得, 而啲手續點都要搞一個月. 租屋苑啲車位, 全部係五樓. 而且要等, 個waiting list 都幾長. 假如我早啲知呢幾點, 就會係收樓嗰日租爛地一個月. 唔駛白白蝕咗一星期租俾佢.

另外啲商場免費泊車ke遊戲規則, 好多人都有興趣知家嘛.

最後,我又想問. 屋苑會唔會有單車租? 我架單車貴得濟, 點都唔會泊街, 即使一小時都唔會. 因為我試過泊沙田新城市一小時, 上去飲杯咖啡啫, 落嚟居然架單車連鏈都俾人偷埋, 滔滔鑼絲. 假如屋苑有啲二手有埋籃cheap cheap地ke單車俾人租/借一兩小時跩去錦泰或者馬鞍山街市買吓餸, 方便吓啲居民, 我都覺得OK 吖.

[YuMoBor]

今日第一次唔駕車出市區. 搭咗好多車.

爛地前面等車都幾辛苦. 太陽曬到你死. 唔飲定水先出門口, 會中暑.
有架85K ke巴士去沙田市中心. 佢只係去咗富安tao一tao, 跟住就直出沙田. 個司機駕得好快. 都唔似坐緊巴士ke. 好似平過810, 又唔滿, 有好多位坐.

85k.jpg (142.6 KiB) Viewed 3876912 times

啲人話馬鐵慢. 我又唔覺好慢wor. 不過站多. 行兩行就要埋站就係真ke.

十月頭, 騐住去新港城買夠五百蚊, 換張月票la.點知行嚟行去, 都揾唔到五百蚊ke嘢嚟買. 去麥記買杯雪榚騐住用嚟換張one-off飛, 點知要買夠廿蚊先得wor. 最後去咗街市買咗條大眼鷄煲湯. 承惠33蚊. 個賣魚阿姐塞咗一叠車飛俾我, 叫我慢慢用. 上車地點距離街市都幾遠kar. 等車. 即使十五分鐘一班, 都未必一定上到車. 得五十個位, 條人龍個U turn過咗郵政局, 就要有心理準備等下一班. 個咗六點就唔好等, 半個鐘一班, 咁咪要等一個鐘? 打的好過la.

[Monster-Ho]

85k 相比810 小巴系好慢. ^_^.. 我相信你未搭過810 小巴喇.. 好快到沙田架. 唔入富安. 快一截, 因為唔需要等紅綠燈..

[2008]

810 成日客滿所以很少坐,特別在繁忙時間,往馬鞍山很多時要坐286M

[YuMoBor]

810成日滿坐. 睇住架車飛站, 差啲想截的士.

我最後冇交嗰張單車位申請表. 因為一架新單車個價都唔駛360. 我自己有架寶貝單車. 騐咗一星期, 都係唔捨得放佢係樓下. 我要日日都望到佢.

住星仔駕車其實好OK. 兩個燈位加兩個迴旋就可以上Highway.我下一個燈位就係九龍塘. 啲路又直, 三四條行車線. 所以我換咗架車, 希望片車片得更開心.

泊車優惠都幾難玩. 新港城要購物滿三百. 又唔順我返放工條路. 我改咗去好運中心間百佳買嘢. 因為個付款位同停車場超近. 一條樓梯就到. 呢間百佳又有兩個付歀區. 條人龍因此短過馬鞍山中心嗰條好多.

[YuMoBor]

今日又俾新港城啲泊車優惠陰到. 原來惠康買嘢唔算數kar wor. 係惠康買嘢滿250先有一個鐘免費泊車, 500先有兩個鐘. 要問嗰啲收銀小姐攞飛再去三樓換ke. 而商場本身就150一個鐘, 300兩個鐘. 同樣要去L3度搞.

有啲難. 惠康啲嘢貴, 商場啲嘢亦唔平. 唔係我個碎紙機又壞咗(兩個月內第三部lar! )去實惠買番過, 都冇得免費泊車ar.

好煩. 好似以前入U個迎新營玩嗰啲尋寶遊戲咁. 係甲地方買嘢, 然後去乙點蓋印, 再去丙點攞車. 又要記住幾點鐘入車. 限時限刻完成哂啲任務. 我覺得好煩. 都冇購物樂趣可言ke. 我都覺得跩架單車去新港城最實際. 都係嗰句la. 管理處有單車租就好la.

[YuMoBor]

原來千色店賣旅行夾裡面有一部lift可以直達L1 zone B啲泊車位. 惠康架手推車可以推入lift. 泊係停車場, 唔駛還. 而zone B啲泊車位同停車場出口非常之近. 可惜新港城辦泊車優惠的櫃台非常之遠. 否則真係perfect.