臭氣熏天的1座2樓

[MU]

很難聞的寵物氣咪，特別在天氣潮濕及炎熱的時候......complaint 了很多次...都係冇變....請問管理處您們會再怎樣跟進????????????????

[客戶服務處]

服務處已與業主/住戶多次聯絡，及獲悉有關業戶已添置室內空氣淨化機及承諾加強室內清潔以作改善; 服務處亦已定時於走廊噴灑清潔劑及進行清潔工作。另外，食環署職員亦多次到訪有關單位/走廊跟進，要求業戶合作消減氣味。

服務處已整理有關資料交予律師研究作進一步行動。

[BB88]

對於今次件事, 我相信管理處已經盡哂力, 可以做嘅嘢已經做咗，我自己都見過好多次清潔工/管理處職員喺度做清潔同巡查，其實最重要係個住戶合作就可解決問題。當然去到呢個MOMENT，都冇乜其他嘢可以再做,只係叫個客合作。 只係一個單位唔檢點就浪費哂啲人力物力.....唉!

[9527]

管理處其實仲有好多野未做, 係佢地冇心去做, 我覺得大家唔可以容忍同接受law, 其實大家仲可以一齊合作做d野

1. 例如佢長期不在家, 沒有提供足夠照顧寵物, 可以call漁護署同埋愛護動物協會

2. 空氣質素惡劣亦可call食環署調查

3. 再者如果佢間屋長期傳出臭味的話唔排除係屍臭, 可能有寵物或人死左係入面, 可以報警爆門

絕對唔可以俾佢咁自私影響公眾環境衛生!!!

管理處唔做, 唯有大家一齊為自己健康做d野啦!!!

[BB88]

睇番前文，其實食環署都有黎過屋苑跟進，如果係屍臭，我諗食環署都唔會坐視不理。話搵漁護署同動物會嚟，如果個客唔合作，門都唔開比你睇啦，咁咪又係乜都做唔到。

[9527]

一個咁高級既私人屋苑竟然處理唔到一個咁既問題

佢唔只影響公眾衛生, 危及住客健康, 屋苑質素以致樓價亦受到嚴重影響

其實有冇話多過幾多戶投訴佢就唔可以養寵物GA?

唔通真係冇計? 好冇天理呀!

[客戶服務處]

服務處已再聯絡食環署投訴氣味問題，而食環署會表示再到屋苑跟進處理；另外有業戶建議找漁護處協助的意見，服務處會跟進聯絡。現時服務處已通知律師啟動法律程序跟進問題。

如業戶欲了解服務處詳細的跟進情況，歡迎直接聯絡服務處查詢。

[客戶服務處]

服務處委託的律師已向有關單位發出警告信，要求有關業主及租戶於14天內停止持續發出擾人的狗隻異味至公共走廊地方。

另漁護處及食環署職員亦已到訪有關單位的公共走廊，而食環署確認有關氣味夾雜著寵物排泄物氣味，已出信要求有關單位業戶聯絡署方。若單位業戶沒有主動聯絡署方，稍後署方會再發出預約信到訪單位檢查跟進。

現時服務處仍持續聯絡業主/租戶口頭提示注意單位清潔及消減氣味，以免滋擾及影響其他業戶。

如業戶有任何查詢，請直接聯絡服務處。

[Leong]

無咗一輪嘅臭氣又番嚟, 有時仲臭到入屋, 真係好難受, 其實養狗嘅戶主可唔可以自律下, 比啲公德心自己, 關注吓你嘅左鄰右舍的感受, 好嘛!!

[客戶服務處]

客戶服務處約於一星期多前，曾接獲有一位業戶反映上述公共走廊位置有少許臭味，服務處職員隨即於當日已跟進處理。期間，服務處派員每日巡視上述公共走廊位置及聯絡該業戶，而該業戶亦表示已再沒有臭味的情況。此外，客戶服務處亦已聯絡該層各單位業戶作出查詢，只有一位業戶表示間中聞到臭味，其餘各業戶均表示近期沒有於走廊聞到臭味。同時，客戶服務處已就是次查詢提醒養狗的業戶應加強單位的狗隻衛生處理，並會繼續巡視監察走廊的狀況。

如上述業戶需要協助或對上述事宜有任何查詢，請直接聯絡客戶服務處職員，以便盡快跟進處理。