新來的管理員

[Resident]

觀察了一段時間，都係忍唔住要反映下，其實星仔的管理員一向都好友善, 好nice.但最近發覺有位新來的女管理員, 2座帶眼鏡那位, 唔知係新來未習慣定係咩原因, 每次見佢不但冇打招呼，大部份時間坐係度望住張枱, 有人冇用八達通或密碼入來都係冇理 (我本人同朋友都試過, 仲入了lift走左, 佢應該唔係認得我, 佢都冇望過我).

冇打招呼我理唔到, 但如果俾人入左大廈都唔知, 我真係有啲擔心。順便一問, 管理處對呢啲新員工會點樣監察佢地平常工作表現呢?

希望管理處可以去了解吓啦...

[雪人]

其實我都好想投訴這位女管理員(帶眼鏡)好耐架喇!因為好多時見到她係唔會幫D住戶開門,我指既係我出去時這位女管理員係完全唔會幫你按掣開門架,寧願坐係到! 十分差! 莫講唔會幫D住戶開門啦,外來人按出面總機,這位女管理員都唔會出去看看發生咩事

[客戶服務處]

多謝各業戶的意見。客戶服務處已察覺到該服務員的工作態度，並已多次訓示要求作出改善，現本處亦正作出跟進。

[Mr ho]

我都忍佢好耐架啦

但今日佢都係咁，一d改善都冇，見到我兩隻手拎住野佢都冇話同我開門，只係企係到，個樣好似全世界得罪左佢咁，佢似老闆多d囉。
其實佢係咪家道中落要屈就係到啊?? 係就唔係難為佢啦。
大佬比成$1.6 一尺，我地唔駛咁委屈日日見住果黑面神啊，炒左佢啦

[客戶服務處]

多謝業戶的意見，本處對各員工的服務態度一直均十分關注，而該員工今天已正式離職，日後本處定當繼續提供優質服務予各業戶。

[2008]

最後都要人頭落地

[雪人]

佢真係好差 !成日自言自語!已離職真係太好了

[wfkwok]

不滿還不滿，但我覺得只屬個別例子。
我一向覺得大部分星濤灣管理員的工作/服務態度都幾好，當然有改善空間。
雖然你可以說這是他們的份內事，也是他們的工作，而且你有付管理費，你要求他們有良好態度是理所當然，但將心比己，大家也是人，分別只是我們是住客，他們是職員。
可是，機本上大家日日都見，如果他們有禮貌時，我們也可以對他們友善一點。我相信在一個和諧的環境下工作，他們會開心一點，工作表現也可以好一點。
做錯要鬧要罰，咁做對也應讚應嘗。
希望管理員主管可以向各管理員傳遞以上訊息。
忽發奇想，星濤灣有沒有舉辦過類似“最佳員工選舉”的活動？希望可做成良性競爭，及增加工作士氣！

[Resident]

有舉辦過"最佳員工選舉"㗎, 我地有投票㗎, 但最後都冇見過結果...

其實我提出個意見, 目的都唔係想搞到要炒人, 係見到新來的管理員有啲地方要留意, specially係保安問題, 所以先喺度留言。希望大家明白啦!

仲有係, 星仔啲職員真係不嬲都好好(入伙都現在都係), 好nice, 所以大家先住得又開心, 又放心啫!