為何對於潛在的交通危險﹣視而不見？聽而不聞？

[Siu Ming]

我們屋苑大門對出經常有違例迫車，其實對於我們這些駕駛人士是十分危險的，因為我們在轉入大閘時，往往因為要避開這些車而被逼佔用開面的行車線sharp cut 入閘。就好似昨天晚上，我就險些因為那些違例迫車而發生交通意外。是緣昨天晚上，門口大閘如常迫了3至4架車，而其中一架車突然開車抽頭，然後又急停！原來佢想佔最近大閘位置的空位，我喺佢後面險些就撞咗落佢度，而且因為啲車完全霸佔咗左邊嘅行車線，我就被逼好危險咁兜去右邊線入閘，但後面又有大巴士及小巴行緊上黎，佢地都要急停及狂響按，情況真係好危險！

今晚放工，我又見到門口大閘又違例迫車，於是我就同管理處當值嘅梁先生反映，佢承諾會跟進，怎了我食完飯唔夠一個小時開車回來，一架紅色嘅私家車又迫咗係最近大閘嘅行車線上，結果我又要好危險咁sharp cut 入閘。我同當值的管理員再反映時，點知佢表現出嗰種無嘢可以做嘅態度，佢話佢坐係辦工室到咩都睇唔到外面的情況，而更亭的同事又好忙於開關大閘而無暇理會，報警舉報違例迫車又竟然表示係一種浪費警力的行為，而且佢話呢啲工作係管理處文職負責，佢地程序上愛莫能助。

該管理員更表示，佢地已經向路正署反映，並要求延長雙黄線。但係其實呢啲車喺車線無故停迫，已經違反了交通條例，可能管理處會認為呢啲係屋苑外圍嘅事與屋苑無關，但係如果目睹呢啲違例事件，而又有機會影響到住戶出入嘅安全，難道你地可視而不見，聽而不聞嗎？

到底，係咪真係要發生交通意外，管理處才會正視這個問題呢？

[客戶服務處]

謝謝　閣下的意見。就保泰街行車慢線違例泊車情況，客戶服務處早前已電郵致政府要求將現有的雙黃線延長3-5米，以提示駕車人仕避免停泊該處，影響進出本苑的車輛駕駛者之視線，現時仍待有關政府部門回覆。此外，本處亦已致函馬鞍山警署要求加強警方執法巡查違例泊車。而客戶服務處亦已再三提指各前線員工，倘若發現正門大閘附近有違例泊車情況影響車輛進出，即通知警方到場跟進。對於上述事宜引致　閣下之不便，本處深表歉意。日後，本處會改善同事之處理事件技能，以務實的態度協助處理業戶之查詢及困難。

如　閣下對上述事宜有任何查詢，歡迎致電2608 5000與服務處倫主任或彭經理聯絡。

客戶服務處

[YuMoBor]

為何校車不能駛入屋苑接載學童, 而要學童在屋苑大門口上落制做危險與混亂?

為何管理處不在大門安裝CCTV,錄低犯罪證據交給有關部門, 保障學童, 住客, 來往車輛的安全?

[客戶服務處]

謝謝　閣下意見。現時大部份校巴都會進入本苑範圍上落學童。然而，有部份校巴沒有進本苑上落學童。就　閣下的意見及為本苑的小朋友安全著想，客戶服務處將安排聯絡有關學校反映及要求跟進。

如　閣下對上述事宜有任何查詢，歡迎隨時致電2608 5000與客戶服務處聯絡。

客戶服務處