星仔的master plan 包水浸嗎?

[YuMoBor]

我在選擇購買家居保險. 其中一個考慮是管理署的master plan包
水浸或風暴嗎? 因為要決定加唔加樓宇結構的保障.

謝謝!
http://www.msig.com.hk/insights/tips_de ... ailid=3288

[客戶服務處]

屋苑有購買意外全保(Accidental Damage)，包括單位原裝置項目，水浸或颱風導致的意外須墊底費１萬，其餘５仟。

[YuMoBor]

多謝客戶服務處的資料.

我揾過三四間做家居保ke保險公司, 包括MSIG, HSBC, Hang Seng同保誠, 又問過我個保險經紀. 水浸ke claim通常都claim唔到或者claim得少. 因為間保險公司有條歀話若水浸是由於水管老化的話, 就唔包. 而爆水管ke最主要原因就係水管老化. 若然各位鄰居担心呢樣嘢而想買保險的話, 唔駛騐嘞. 都係自求多福好啲.

由此引伸一個問題, 就係有一日我係要將屋企老化ke水喉換哂佢ke. 咁即係要將間屋拆過再裝修. 我希望有鄰居整過屋企啲水喉ke話就話我知發展商用ke水喉係鐵定銅, 廚房同浴室啲水喉係幾多分闊. 因為我發現星仔啲水喉出啲水個水壓偏低. 都用到ke, 但唔夠疏. 既然係整, 梗係想換4分以上ke銅喉, 改善埋呢點.

我個保險經紀話, 家居保分幾樣嘢嚟保:
1. 業主第三者責任保: 即是露台有嘢俾十號風球吹落街擊中個醫生個頭, 呢個咁不幸ke醫生ke生養死葬就係由呢個責任保賠.
2. 樓宇結構保: 樓宇結構即係嗰啲搬唔走ke嘢, 例如地板天花同牆壁, 管理處個master plan 包埋呢點. 但只包發展商交樓時ke裝修, 改過, 就唔包. 就要自己買. 呢個保險有墊底費ke. 墊底費幾多, 管理處個回覆寫咗.
3. 財物保: 就係保搬得走ke嘢. 例如屋企個夾萬俾賊佬搬走咗, 呢個保險就賠番個夾萬俾你. 以前就要申報夾萬裡面裝咗啲mug, 而家就只申報屋企包括露台個面積有幾大. 好其怪kar wor.啲保險公司好茅, 輸打贏要kar wor. 計保費嗰陣就計埋你露台面積有幾大, 但你擺係露台啲嘢佢唔賠ke!

有一點要更正. HSBC唔包露台物件, 但露台有物件發落街擊中途人個責任保就包ke.

我最關心ke其實只係業主責任保. 個保額由五百至一千萬. 包埋訟費在內. 一千萬係H記最貴個Plan. 但佢一定要我買埋2同3. 唔俾我單買1.
M記就俾只買1, 而個保額比其餘兩間高, 七百五十萬. 保費一年九百有找.