TO 新住客

[YuMoBor]

我錯ke嘢新住客唔做, 巳經成功咗一半.

1. 廚房係裝唔到煤氣乾衣機ke. 我個裝修師傅拆埋個廚櫃, 發現啲電線ke路線圖毫無珠絲馬跡, 係呢幅牆鑽洞掛乾衣機, 對裝修師傅太危險, 我寧願放棄. 我個裝修師傅拆完個廚櫃再裝番上去, 收咗我千四元.
2. 星仔個浴室係裝唔到林內熱水爐. 因為唔俾鑽牆.
3. 星仔浴室個水壓好低, 裝新出水勁的花洒都冇用. (唔知係咪因為啲喉管幼呢? 我冇換水喉, 所以唔知)
4. 掃巴擺露台的話, 有機會成支飛落街. 嚇死我咁濟. 我查過, HSBC個家居責任保係唔包露台的. 其他家居保包唔包, 我仲問緊. 各位係屋苑附近散步的鄰居, 請密切注意呢一點.
5. 個露台裝到電動晾衫機! 好方便, 四五個鐘啲大毛巾就乾哂. 解決咗我個乾衣難題.
6. 星仔廚房幅牆特硬. 鑽爛咗我個裝修師傅個鑽嘴. 各位DIY鄰居, 小心小心.

[Monster-Ho]

電動晾衫機?

[MU]

你換幾錢呀?有冇得介紹? thx

[YuMoBor]

$3000連安裝. 一年保養.
呢條拎有demo:
http://www.orlant.com.hk/

佢係馬鞍山個代理係海濤居, 叫堡利.

[YuMoBor]

我揾咗兩間裝修公司, 兩個師傅. 一間家姐用開有口碑, 唔會斬我一頸血或者臨時加價. 但佢間寶號係香港仔, call佢, 一個禮拜後先出現. 第二間個寶號係馬鞍山, mug都有, 又做過星仔啲裝修同執漏, 熟悉星仔啲屋個尺寸限制同環境, call佢, 一日內出現. 但釘啲路軌同架上牆, 有時會咩咩地, 要跟住, 積極地發表意見先得.

1. 痛心. 啲師傅搬動傢俬靠拖, 個地櫃同張枱重, 佢地都係咁拖, 劃咗幾條白色痕係地板度. 心都痛埋. 仲要話我知呢啲痕係修補唔度wor. 各位鄰居可以認真考慮去實惠買啲墊, 貼係啲傢俬底, 保護好啲地板.

2. 發展商附送個抽油湮機係惠而浦樓機. 型號係 IN600S. 為咗呢層樓而設計出嚟. 壞咗, 係換唔到任何牌子任何機ke. 修理, 師傅上門檢查一次要300, 換摩打要1000. 電話: 24069138.

3. 大門個門鼓好蝦人. 我兩個師傅各自調較咗一次, 都搞佢唔掂. 太鬆佢關嗰陣會膨膨聲, 嚇親隔離屋隻狗, 我每次倒垃圾, 隻狗都瘋狂咁吠我. 太緊佢又唔識自己關, 仲衰.

4.買咗panasonic 個紅色天面正立方體1.8L電飯煲, 放係電櫃隔離個吉位啱啱好! 佢聰明過我, 好多飯都識煮. 個時間制又係24小時, 預約時間唔駛數手指. 個蒸籠可淺可深, 可以蒸大飽. 煮一mug米都得. 鮮紅色蓋. 好靚好靚.

[2008]

唔明你點解要係浴室裝熱水爐，廚房個咪係林內熱水爐

[YuMoBor]

我唔知跟樓嗰個係林內.
裝個熱水爐係浴室, 就唔駛等3分鐘先有熱水吖嘛.

[2008]

個浴室遙控有個pre heat 掣，沖之前按着咪唔使等三分鐘先熱，沖完之後記得熄佢唔係就廿四小時長開，下個月唔好話煤氣費貴

[YuMoBor]

試過襟pre-heat. 都唔得ke. 同我舊屋部林內冇得比.

[2008]

係預熱唔係即熱,熱水炉同浴室有一段距離,當你有一段時間無用時,喉管內的水是凍的,pre heat 是你用之前熱水炉會張喉管內的凍水先行加熱到預較温度,直至喉管內的温度到預較温度時,你在浴室開熱水時就有熱水,不是你即按pre heat 就即有熱水,同樣地如果熱水炉是在浴室的話,當你開廚房龍頭時一樣要等