LOGO resident login resident register

Re: 全屋泠氣及喉管更換

Postby DingDong » 2012 Jul 05 Thu, 11:42 am

我個單位都有同樣問題, 個C父話係設計問題, 去水位高過部冷氣, 所以最後加左個PUMP. 雖然有D嘈, 不過總算暫時攪掂 ;)
DingDong
 
Posts: 9

Re: 全屋泠氣及喉管更換

Postby lacoav » 2012 Aug 14 Tue, 2:02 am

要找一個好師傅很難,一要有責任感,二要手功好,可惜我遇人不淑,舊年八月找了一個經常幫星仔客換冷氣的師傅換了一部大金2匹半,連包安裝盛惠接近2萬元,不及一年便不凍,佢話漏雪種,今年又要搭棚燒焊盛惠數千元,不及一月依舊不涼,佢又話係部冷氣出問題,叫我搵大金檢查,結果係••••••佢安裝時不小心入左水,經過一年後已不能用,報廢,師傅從此不敢再同我聯絡,前幾天係大堂遇上他,可能又有水魚上釣,他不但沒解釋為何沒有跟進我的問題,反而堅持大金既師傅推卸責任,不肯幫我修理,真厚顏無恥!
lacoav
 
Posts: 24

Re: 全屋泠氣及喉管更換

Postby rc » 2012 Aug 14 Tue, 10:11 am

Re lacoav :

請問係咪麥師傅 ?
rc
 
Posts: 45

Re: 全屋泠氣及喉管更換

Postby Sunny » 2012 Aug 14 Tue, 1:47 pm

我入住這裡已八年,差不多每年都要找這個姓麥的師傅(前身是惠而浦)
來加一次雪種或修理,到了2010年我找他幫忙更換一部一拖三的冷氣機,換了不到两個月又出現不凍及滴水問題,他說是因為這屋苑的去水位有問題,然後又幫我吸去去水喉內的啫喱狀物體。如是者攪了差不多三.四個月都是出現問題,(每次都要收費)。後來經朋友介紹找了另一間冷氣工程公司更換全屋雪種喉及大廳冷氣機。終於都找出最主要的問題,1.雪種喉漏 2.因去水喉太長而造成水平位置的地方較多,所以容易滋生啫喱狀的潺。所以冷氣雪種喉一定要換,去水喉一定要吸去內面的啫喱物,然後在每部冷氣機內的去水盤內放入一粒有機消毒去潺丸。(用來幫去水喉消毒及去潺)師傅說只要大概两年放一粒便可以。(為何其他師傅不說出來呢?因為?)
Sunny
 
Posts: 28

Re: 全屋泠氣及喉管更換

Postby Mr Tsui » 2012 Aug 15 Wed, 12:17 pm

我住了兩年多, 之前租的單位沒事, 上年冬天才買入另一個單位... 那時候沒有全屋換冷氣... 一到夏天就發覺廳的冷氣不夠凍, 原來又是漏雪種問題...

又不想全屋拆喉再搞(即是要大裝修),

結果在廳的另一幅牆裝多一部冷氣, 原本的喉不拆它了... 工程小很多, 也是一個不錯的選擇 !
Mr Tsui
 
Posts: 13

Re: 全屋泠氣及喉管更換

Postby lacoav » 2012 Aug 16 Thu, 10:54 pm

原來受害者不只我一個,那位姓麥的師傅不單無料,而且搶錢,大家要小心提防啊!
lacoav
 
Posts: 24

Re: 全屋泠氣及喉管更換

Postby lacoav » 2012 Aug 26 Sun, 11:10 am

用了一年的2匹半大金冷氣報銷 :( ,今天由珍寶接任了。但在換機過程中,有一個 :o 大發現 :o ,原來由屋內轉出屋外的冷氣喉轉彎位過急,導致內裏的銅喉折曲,原來十成的冷氣,因喉管折彎只得一成功力,(每個單位都可能有此情況,但程度不同)長期下去,不單雪種不能通過以致影響冷度,更會谷壞冷氣機頭,難怪部新機不及一年便報銷,各位星仔業主,請盡快檢查閣下單位出牆外喉管,以免重蹈本人覆轍 ─ 浪費金錢也賠了時間!
此外,本人一拖三的飛歌冷氣機電子板亦壽終正寢,因已缺貨不能更換,請問有沒有鄰居正要換機,可否承讓該塊電子板一用?
lacoav
 
Posts: 24

Re: 全屋泠氣及喉管更換

Postby Dorothy » 2013 Aug 18 Sun, 2:52 pm

看到這FORUM關於冷氣機的話題,都是說MAK CFU不好,我想說說我用MAK CFU的經驗:
我2年前搬進來時,只想更換客廳的冷氣,經其他住戶介紹MAK CFU,佢好快就上門睇位然後報價,說有只製冷大金2匹冷氣現貨,冷氣機貨價及安裝共在1萬至1萬5之間(不記得太清楚了)
我問他環保雪種是否要換晒所有喉管,他說冷氣只有製冷的功能就不用更換喉管,如果是雙頻製冷又製熱的才一定要更換喉管,那當然我相信了,只因自己不懂這學問

很快地,第3天他就上來安裝,他堅持不用搭棚(當然很擔心會發生意外的)。他安裝時沒有生口後要裝番的FRAME,他在安裝完畢後第2天又上來好快手地搞掂埋個生口。連我的家居裝修CFU都話呢個MAK CFU好快手安裝冷氣機。到而家2年了,客廳冷氣一直都好夠凍,開到27度都好凍,完全無漏水滴水情況,我好滿意。

搬入來後的第一個SUMMER,沒有更換的主人房冷氣壞了,我都是搵MAK CFU維修。當時換左電子板後開冷氣,點知成間屋既電係咁跳掣,原來係之前裝修電工整斷左電燈果條線,佢就駁左落冷氣果條線度,所以一開冷氣就跳掣,激死我。MAK CFU就幫我搞番掂D線,換電子版+整電線路收我1500蚊,不知平定貴,但總算而家乜問題都無。

今年SUMMER,到細房冷氣壞左,打算換晒主人房+細房冷氣,今次本來無搵MAK CFU,去左一田電氣部搵佢地既CFU睇位,點知個CFU又話好大工程,要拆牆換晒D喉管。我今日打俾MAK CFU,MAK CFU話唔駛換喉管喔,因為現有喉管係適用於環保雪種架。雖然唔駛換喉,但而家要搭棚,都要在主人房冷氣機下開口之後再“扇灰”上番油,都幾煩。佢就唔建議壞晒2部冷氣,佢話覺得唔化算,換左壞既果部電子板可以用好多年了。頭先換左電子板,而家暫時無問題,換電子板收左900蚊,不過我都係唔知市價。

下星期佢會洗埋我3部冷氣,睇下洗得好唔好先。
Dorothy
 
Posts: 5

Previous

Return to housekeeping & renovation / 家居及裝修



cron